الحظ لما يهاتى ..... يجيلى تاجين مرة واحده

اسفه طبعا على التاخير بس كنت مشغوله شويه كان عندى فرح عقبال عندكم وعندى يااااااااااااااارب

المهم بقى يا جماعه انا الحظ اسعدنى وجالى تاجين مره واحده ( الحظ لما يهاتى يخلى الاعمى ساعاتى)التاجين دول من اهم ناس عندى
طبعا اولهم حبيبتى ونور عينى حدوته
اللى كانت اول حد اقنعنى بفكرة المدونات وشريكه الكفاح فى الكورس بتاع الاوراكل اللى مش عايز يخلص
والحد التانى ده يبقى واحد
المدون الذهبى زى ماهو بيقول بس على مين لسه فى نزاع على اللقب وترقبوا لمن الغلبه فى النهاية
المهم انا بشكرهم هم الاتنين وهحاول اجاوب على الاسئله دى بس استحملونى

اسم مدونتك؟

شمعة أمــــــــــل

لماذا اخترته ..وماهي نيتك من وراء اختياره؟

فى حاجات كتير فى دنياتنا دى بتخلينا نيأس ونكره حياتنا فلازم يكون فى نور يبعث التفائل ف حياتنا فحبيت ان ارمز للنور ده بالشمعة اللى بتحترق من اجل الاخرين طبعا انا الشمعة ;)

هل فكرت في إغلاق مدونتك؟ والسبب؟

لحد دلوقتى لا الحمد لله لان كل الناس اللى بقابلهم فى المدونات ناس تستحق التقدير والاحترام وسعدت جدا بوجودى معاهم , واحسن حاجه انى شفت عالم جديد مكنتش اعرفه واتعلمت منه حاجات جميله بجد

صورتك في المدونة ورمزيتها ؟؟

صورة شمعه وبجوارها مصحف , وبترمز ان القران طريق للنور

لما دخلت عالم التدوين من الاساس؟

زى ما قولت ان حدوته هى اللى خلتنى افكر فى الموضوع ده, وحسيت كده انى هقدر اخرج من جوايا كلام كتير مش بقدر اقوله , واحس كمان بمشاركت الناس ليا بأرائهم وافكارهم اللى انا بستفيد منها جدا, بجد الفكره جميله اوى

جمله قيلت لك فى وصف مدونتك؟

يعنى الحمد لله فى ناس شكرت فى المدونه المتواضعه دى وسمعت كلام كتير كله حلو اوى

التعليقات بالنسبه لك ,اهميتها؟

التعليقات مهمه جدا بالنسبه ليا بتفدنى دايما وبتحسسنى ان فى حد مهتم بموضعاتى وبيتناقش معايا فيها وبيقترح عليا حلول وافكار مختلفه وهايله فعلا

احلى بوست كتبته ...ضع اللينك , ثم اذكر لماذا؟

انا بحب كل البوستات اللى عملتها بس اكتر حاجه هو احساس http://anglebero.blogspot.com/2007/07/blog-post_20.html

واعتذار http://anglebero.blogspot.com/2007/07/blog-post.html

أفضل بوست قرأته؟ وضع لينكه؟

بصراحه معظم الناس اللى قرتلهم بوستاتهم حلوه او وطبعا بالاخص حدوته اللى كل بوستاتها احلى من بعض واسلوبها جميل وببقى مش قادره امسك نفسى من الضحك ربنا يوفقها ان شاء الله

أفضل مدونة قرأتها؟

الاجابه قلتها ف السؤال السابق

حد قل ادبه فى التعليق إيه رد فعلك؟

لا الحمد لله محصلش معايا الموقف ده بس لو حصل هرد عليه بكل احترام وافهمه انى مش بزعل من الاراء المختلفه بس تكون باحترام

أسوأ مدونة؟
للاسف شفت كام مدونه فى منتهى السوء بس وده لانهم بيدعو للبعد عن الدين فى حياتنا واننا نبقى دنياويين فقط وان الدين مش لازم يتحكم فى تصرفتنا, وطبعا انا برفض هذا الكلام لان الدين وضع حلول كتير لكل الل بنواجه فى حياتنا وعشان كده انا مش بدخل عند الناس د غير مره واحده والحمد لله مش بتتكرر

أسوأ بوست أسوأ مدون؟

الاجابه قلتها فى السؤال اللى فات

هيحصل ايه لإيميلك لما تموتى ؟؟

اكيد هيتقفل لان محدش عنده الباسورد الا بعا لو اديت الباسورد لحد قبل ما اموت

اديتى الباسوورد لحد قبل كده؟

اه مرة واحده اديته لواحده صحبتى لما النت كان فاصل عندى

كانت إيه طبيعة علاقتك بيه؟

دى من اعز اصحابى اللى بعتز بصداقتها دايما هى اسمها شيرين وهى زى العسل بموت فيها طبعا هى وباقى الجروب بتاع الكلية اللى بعتبرهم اكتر من اخوات

اسمك؟

عبــــــــــير

المشهور بيه وسط اصحابك؟ا

بيرو- بورة- عبورة بس اكتر اسم بحبه هو بيرو بيعجبنى اوى لان اصحابى القريبين بينادونى بيه

عمرك؟؟

23

برجك ؟؟

الحوت

دراستك؟؟ مجالك؟؟

خريجه بكالوريوس تجارة, لكن اتجهت لمجال الكمبيوتر اللى حبيته اوى

شخصيتك نوعها إيه؟

مقدرش احكم على شخصيتى لكن انا بحالات ساعات ببقى حنينه اوى ورومانسيه (وطبعا ده مش كتير) وساعات ببقى عناديه ودماغى ناشفه وعصبيه جدا بس اهم ما يميزنى انى مش بزعل من حد وبروق بسرعه ودى نعمه بشكر ربنا عليها , وبضايق اوى لما حد يزعل منى

السفر بالنسبة لك؟

امنية بتمنى انها تتحقق فى اقرب وقت بس انتوا ادعولى

وقت فراغك بتعملى فيه إيه؟

اما انى بدخل على النت واشوف المدونه او الشئ اللى بعمله فى معظم الوقت اللى ببق فيه فاضيه انى بخلو بنفسى وافكر فى حاجات كتير حصلت وبتحصل وهتحصل وبعاتب نفسى عن كل حاجه غلط عملتها وضايقت منى حد وبعيش مع نفس واتكلم معاها زى المجنونه

المود بتاعك؟

زى ما قولت انى بحالات يعنى مودى متقلب بس مش اوى

الاكلة المفضلة؟

بصوا انا بعشق الحلويات واهم حاجه بحبها هى البسبوسه, والارز باللبن بجد بحبهم جدا وممكن ما اكلش غيرهم

الصفات اللي أخدتها من بابا؟

الحنيه والطموح والطيبه بس طبعا بابا اطيب منى بمراحل

الصفات التي أخدتها من ماما ؟

الطيبه برضه والحنية والتسامح ربنا يخليهم ليا هم الاتنين
اكتر ست حاجات بكرهها؟
الكدب والخيانه والطمع والبخل والغيبه والنميمه وفاتورة التليفون

اكتر ست حاجات بحبها؟

ربنا اولا واخيرا

وبعد كده بابا وماما واخواتى

اصحابى

الكمبيوتر

ان اغلس على حد بحبه

والارز باللبن

الشغل بالنسبة لك؟

شئ مهم جدا لانى ببنى بيه مستقبلى وبيخلنى مش محتاجه لحد غير ربنا

الانترنت بالنسبه لك؟

عالم جديد بكتشف فيه حاجات كتيرة وجديدة وغريبة

امرره لمين ؟

لكل الناس اللى زارت مدونتى المتواضعه د وتعبت نفسها وقرات كل الرغى اللى قلته دلوقتى بس بختص بكده
حدوته
واحد
ممكن
شيماء واحدة من الناس
هبه لبيب
سمسم
بوسى
لعنه الفن
هنونه
ومتشكره ليكم كلكم على انكم استحملتونى واتمنى دايما انى اكون عند حسن ظنكم

تحيـــــــــــــــــــاتى