www.tvquran.com

Monday, March 10, 2008

النهاردة عيد ميلادى


السلام عليكم ورحمه الله وبركاته

النهاردة 10 مارس 2008

يعنى عمرى بقى ..............

ولا بلاش

المهم النهارده يوم اتحسب من عمرى والمفروض انى احتفل بيه

بس بسبب ظروف شغلى قررت انى اقولكم وتحتفلولى انتوا بيه بنفسكم اذا يعنى حد افتكرنى ودخل مدونتى المهجورة دى

بجد انتوا وحشتنونى جدا

وشكرا على سؤالكم كلكم عنى

وانا بس مستنيه الظروف تتحسن وان شاء الله هحاول انى اتابعكم واطمن عليكم كلكم

وياريت اسمع اغنية عيد ميلاد ابو الفصاد

سلامى للجميع

Wednesday, October 10, 2007

وحشتونى




السلام عليكم ورحمه الله وبركاته





وحشتونى... وحشتونى.... وحشتوووووونى


بجد وحشنى جدا انا مش متخيله الفتره دى عدت عليا ازاى من غير ما اشوفكم


بس انتوا عارفين مشغوليات الشعب بقى الواحد لازم يشوف الراعيه ولا ايه؟


طبعا انتوا عارفين ان الفتره اللى فاتت كان عندى حاجات كتير شغلانى فعلا


وللاسف هى لسه شغلانى لحد دلوقت


لكن انا كل فتره كده هتلاقونى نطلكم وبسلم عليكم





المهم طمنونى على اخباركم؟


بتعملوا ايه وانا مش هنا ؟


خلى بالكم انا الاخبار كلها بتوصلنى مش عايزه كدب





كل سنه وانتم طيبين وان شاء الله عيد سعيد عليكم وعلينا جميعا باذن الله


متنسوش العيديه





بحبكم فى الله

Thursday, September 6, 2007

وردة حمراء


النهارده جتلى وردة حمرة

بس ورده جميلة اوى

اول مرة اشوف ورده بالجمال ده كله

لونها احمر ياخد عقلك كده

تتوه ما بين اوراقها

برغم الشوك الا فيها

الا انك من كتر ما جمالها شدك

ممكن تنسى وتمسك شوكها ومتحسش حتى لو اتجرحت

انا مش بفهم فى الورد اوى

لكن بيقولى ان كل لون فى الورد له معنى

هل ده صحيح؟؟؟؟؟

ياريت لو حد فيكم يعرف يقولى



طبعا السؤال اللى بينط من عنيكم

مين اللى جابلك الوردة؟؟؟؟؟

سؤال جميل

بس اكيد مش هجاوب عليه

;)

Tuesday, September 4, 2007

اسفه جداااااااااااااا



اسفه جدااااااااااااااااا ليكوا
طبعا اعتذار كبير على التأخير ده
وشكر أكبر لكل الناس اللى سألت عليا بس والله كان عندى ظروف كتير كانت سبب فى التأخير ده
اولا ان الايام دى بعزل -عقبال عندكم- من شقتنا اللى بقالى سنين عايشه فيها من ساعة ما جيت مصر(نسيت اقولكم انى من مواليد ليبيا)ولحد ما بقى عندى 23 سنة, وهنروح شقة فى شارع فيصل وانتوا بقى طبعا عارفين التعذيب اللى موجود هناك بسبب الزحمه ربنا يستر.
طبعا انتو مش متخيلين الموضوع صعب ازاى لما تلاقى نفسك فجأة كده تسيب ذكريات 20 سنة كده وترميها ورا ضهرك شئ صعب اوى,وانك تتعود على مكان جديد ده الشئ الاصعب.
ثانيا ان حاليا ابتديت شغل فى مشروع التخرج بتاع الكورس , انا خايفه تطلع روحى قبل ما اخلصه اصل يا جماعه اختكم اول مرة تعمل مشروع تخرج لانى كنت فى كلية نظريه فالموضوع صعب جدا عليا , انتوا مش متخيلين انا محتاجه دعواتكم قد ايه ادعولى جامد فى الايام المفترجه دى.
ثالثا انى كنت زعلانه بسبب تغيب بعض المدونين اللى بعزهم جدا عن مدوناتهم وهما اتنين وبجد انا زعلانه جدا وهم عارفين كده,وانا بقى مستنياهم يرجعوا عن قراراتهم دى لانى بجد مفتقده تدويناتهم الجميلة اوى.
طبعا انا عارفة انى اى اعذار فى الدنيا متكفيش عشان تسامحونى بس ان شاء الله هنزل بوست قريب عشان يبقى اعتذار رسمى
شكرا انكم استحملتوا انكوا تقروا البوست للاخر
تحـــــــــــــــياتى للجميع

Monday, August 20, 2007

حجابى هو حيائى




اهداء الى كل فتاة مسلمة
حجابك هو حيائك
كونى دوما مثلاً للمسلمة الصالحة الملتزمة ظاهراً وباطناً
اللهم اهدى بنات المسلمين واهدينى معهم واجعلهم قدوة حسنة لغير الملتزمات
اللهم اهدى شباب المسلمين اجعلهم يغضوا ابصارهم عن كل ما حرمت يارب العالمين
اللهم تقبل دعائى ورجائى
يـــــــــــــــــــــــارب


Friday, August 17, 2007

تم بحمد الله


الحمد لله والصلاة والسلام على رسول الله صلى الله عليه وسلم
احبائى فى الله لقد تم بحمد الله وبفضله افتتاح المدونه الجديده
المنبـــــــر
ونتمنى انها تكون منبر لنا جميعا , منبر للخير
والراشد الى طريق الله
سوف تكون بإذن الله بها بعض ما اكرمنا الله به من علماُ قليل
سوف نتشارك جميعا فى نشره
وبشكر كل من ساهم فى هذا العمل الذ جعلناه لوجه الله وحده ولخدمه المسلمين فى كل الدنيا
وبخص بالشكر
حدوته..وممكن...و واحد....و واحدة من الناس
جزاهم الله خيرا وجزانا معهم
اتمنى من الله ان نكون عند حسن ظنكم

Wednesday, August 8, 2007

كلام وله معنى


البر لا يبلي والذنب لا يفنى والديان لا يموت

افعل ماشئت فكما تدين...تدان

******

تعلموا أن تكتبوا آلامكم على الرمال و أن تنحتوا المعروف على الصخر.

******
لا داعي للخوف من صوت الرصاص... فالرصاصة التي تقتلك لن تسمع صوتها
*****
أن تضيء شمعة صغيرة خير لك من أن تنفق عمرك تلعن الظلام
*******
سأل الممكن المستحيل: أين تقيم ؟ فأجابه في أحلام العاجز
*******
إن بيتا يخلو من كتاب هو بيت بلا روح
******
ليس القوي من يكسب الحرب دائما وإنما الضعيف من يخسر السلام دائما
******
اذا اختفى العدل من الأرض لم يعد لوجود الإنسان قيمة
******
الحياء جمال في المرأة وفضيلة في الرجل
******
صديقك من يصارحك بأخطائك لا من يجملها ليكسب رضاءك
******
الصداقة بئر يزداد عمقا كلما أخذت منه
******
الابتسامة كلمة طيبة بغير حروف
*******
الكلمة الطيبة جواز مرور إلى كل القلوب
*******
من يزرع المعروف يحصد الشكر
*******
من ركب الحق غلب الخلق
******
إذا أعطيت فقيراً سمكة تكون قد سددت جوعه ليوم واحد فقط .. أما إذا
علمته كيف يصطاد السمك تكون قد سددت جوعه طوال العمر

ارجوا ان اكون اخترت كلام وله معنى ,وطبعا دى محاوله للاعتذار عن التاخير
ارجو ان تقبلوها منى