السلام عليكم ورحمه الله وبركاته
وحشتونى... وحشتونى.... وحشتوووووونى
بجد وحشنى جدا انا مش متخيله الفتره دى عدت عليا ازاى من غير ما اشوفكم
بس انتوا عارفين مشغوليات الشعب بقى الواحد لازم يشوف الراعيه ولا ايه؟
طبعا انتوا عارفين ان الفتره اللى فاتت كان عندى حاجات كتير شغلانى فعلا
وللاسف هى لسه شغلانى لحد دلوقت
لكن انا كل فتره كده هتلاقونى نطلكم وبسلم عليكم
المهم طمنونى على اخباركم؟
بتعملوا ايه وانا مش هنا ؟
خلى بالكم انا الاخبار كلها بتوصلنى مش عايزه كدب
كل سنه وانتم طيبين وان شاء الله عيد سعيد عليكم وعلينا جميعا باذن الله
متنسوش العيديه
بحبكم فى الله
26 comments:
حمد لله على السلام ، ويارب نشوف مدوناتك عن قريب
تحياتي
كل سنه و أنت طيب يا جميل
عوداً محموداً
احبك الله كما احببتنا
نورتي عالم البلوجريه مره اخرى
ربنا معاكي
تحياتي
كل سنه وانتي طيبه وعيد سعيد عليكي يا بيرو عاوزه العيديه كام بقي
كل سنه وانتى طيبه
كل سنه وانتي طيبه
فينك
مختفيه بقالك فتره
عموما
حمد الله علي السلامه
كل سنة وانتى طيبة
الدنيا ضلمة وعاوزين شمعتنا
مستنينك
تحياتى
بيرو حبيبة قلبى
:$
ازيك يا بيرو
عاملة ايه ووحشانى اوى
كل سنة وانتى طيبة
عارفة يا عبير ؟؟
انا زعلانة منك اوى
وبقولها لك قبل ما تقولها لانها وصلتنى من كذا حد
يعنى يعدى العيد ومن قبل العيد وبعده ولا اتصلتى بيا ولا قولتل لى كل سنة وانا طيبة
هتقوليلى انى مقصرة
طب انا نقصرة فى ايه؟؟
فاكرة لما جيت لكوا السنتر وانتوا سبتونى وقعدتوا تشتغلوا فى المشروع ؟؟
طب هاجى اقعد لوحدى كل يوم ؟؟
وانتى عارفة ان الجروب بتاعى مكنش حد بيجى عشان اجى اعمل المشروع معاهم
وانتى عارفة كمان المشوار والمواصلات؟؟
اليوم اياه روحت البيت باعجوبة وانتى عارفة الموصلات فى الصيام والحر
وكمان انتى عارفة انى كنت شايلة البيت
فى العيد انا كنت فى البلد قبلها بيومين .. ولما جيت مكنش معايا رصيد ولسه لغاية دلوقتى مشحنتتش عشان بس مش تلومى عليا انى مش كلمتك
وانتى اصلا معندكيش تليفون فى البيت ولا نت .. يعنى مقفلة من كله
واخر مرة انا معتزرة ليكى ومفهماكى الظروف
كان نفسى احس انك بتتصلى تتطمنى عليا وانتى عارفة حالتى عاملة ازاى
كان نفسى احس انى زى بقية البنى ادمين عندى صحاب بيسألوا عليا لو غبت
بس انتى ولا حتى عبرتينى بمسج
ومع ذلك انا عذرتك والتمست ليكى أل عذر زى ما بعمل مع كل الناس اللىة مش بتسأل عليا
ومع ذلك وصلنى النهاردة انك زعلانة ومتصدمتش لانى كنت عارفة انك هتقولى كده وانك هتهزقينى لو كلمتينى
على فكرة انا ليا صحاب كتير مسألوش عنى فى العيد ومزعلتش
انما انتى ليا حق ازعل منك طالما انتى زعلتى منى
انا بقولك اهو قدام جميع المدونين
ياجماعة لو انا غلطانة حد يغلطنى
ومع ذلك بطلب منك تساميحنى
عشان اما نتقابل منتخانقش .. لاننا احنا الاتنين غلطنا فى حق بعض
ومع ذلك برده
كل سنة وانتى طيبة يا بيرو
عيد سعيد
صديقتك حدوتة
ايه ده!!؟ معقوله بيرو وحدوته زعلانين !!وكده علي الهواء معقوله يا بنات الكلام ده وكمان بين بيرو وحدوته
لا بجد مينفعش الكلام ده والمفروض تتصلوا ببعض في اقرب وقت ..مش مهم مين اللي قصر الاول المهم دلوقتي تتصلوا ببعض وابقي عاتبوا بعض برحتكم بعدين
انا عارف يا بيرو قد ايه انتي بتحبي حدوته وعارف كمان يا حدوته قد ايه بتحبي بيرو عشان كده بجد يا ريت الزعل ده ينتهي ومش حدوته وبيرو اللي يعملوا كده
علي فكره اللي هيتصل الاول ليه عندي هديه حلوه ههه اوكي
يلا سلام وليا معاكم كلام تاني
والله ليكى وحشه ده انا كنت فاكر انا بس اللى مش هنا طلع ناس كتير اختفت اهه شكلك اعتقلتيهم افتره اللى فاتت يا جلالاتك
السلام عليكم
ازيك يا بيرو
كل سنه وانت طيبه يا قمر
وعايزين نشوفك دايما بلاش الزايارات العابره دي
وكل سنه وانت طيبه
عزيزتى
كل سنة وانتى طيبة
اكيد انتى من ساعة الورده مختفية اكيد تاثرها كان كبير وعميق عليكى
المهم انتى بخير
يا ريت طلتك تكون بموضع كويس
اكيد كل الناس اللى وحشتك ايامها بتعدى يوم مر ويوم حلو
الدنيا كلها كده
سلام
عجبك التسييح دا
طول عمرك مزعلة
الناس منك كده
عيد سعيد
عليكى وعلى
عائلتك الكريمة
حمدلله علي السلامه
كل سنة و إنتي طيبة
وحشتينا اووووووووووووي
:)
احبك الذى احببتنا فيه يا بيرو
انتى فين يابنتى
ايوة طبعا الى عيلى عيلى
انتى لما بتغيرى بيتكوا بتتغيرى على الناس الطيبين
ماشى يابيرو
ولا بقيتى تيجى البلوج عندى ولا بقيتى تسالى
ولا حتى بتسلمى عليا فى الشات بوكس
بس انا عارف ان الحته الى سكنه فيها دلوقتى كلهم ناس هاى كلاس ومش بيعرفوا الناس التانين
انتى غيابك طول اوى طمنينا عليكى يابيرو
تحياتى
حمد لله على سلامتك
ممكن أستغل المساحه دى واعمل اعلان صغير
16 نوفمبريا جماعه..مستنياكو يوم الجمعه الجايه الساعه 8 م..قاعة الحمكمة بساقية الصاوى
هانتقابل ونحضر حفلة لفرقة أيامنا الحلوه..واحده من اكبر التجمعات البلوجرية المهمه
تعالوا وقولوا للحبايب
انت كمان وحشتينا
عايزه اشوف جديد
يارب تكونى بخير
تحياتى
hello
nice blog
hope the hamper is the useful
hope c u soon
bye
كل سنة وانتى طيبة , وربنا معاكى ويوفقك يارب
كل سنة وانتى طيبة ويريت تزورى أكيـــد انا عضو جديد
عزيزتى
اتمنا تشوفى بوستى الاخر للاهميه ورائيك الصريح القاطع مهم جدا
سلام
فينك من اكتوبر
طمنينا عليكي
حمد الله على السلامة واحبك الذى احببتينا فية ...
انا اول مرة ادخل البوست بتاعك وبجد جميل جداً ....
تمنياتى بالتوفيق
أ/اكيد
فينك يا قمر وحشااااااااااااانااااااااا
حمد الله على السلامة وعودة قوية
أكيــــــد
Post a Comment