السلام عليكم ورحمه الله وبركاته
طبعا اولا احب اعتذر عن التاخير بس بجد كنت مشغوله بالامتحانات والحمد لله نجحت وبقيت
oracle certified profissional(OCP)
بجد كان وقت مرهق جدا بس الحمد لله ربنا وفقنى ويسرلى الحال وعدى الايام دى على خير
بجد يا جماعه انا فرحانه اوى, اجمل حاجه فى الدنيا انك تحس بطعم النجاح بعد تعب و وبهدله
وبعدين احساس انك بقيت حاجه مهمه ده احساس فظيع طبعا ربنا يعيذنا من الغرور بس بجد فرحتى لا توصف ويااااااااااارب عقبال كل اللى بيمتحنوا ومستنين النتيجه ربنا يوفق الجميع
كان نفسى يا جماعه اعزمكم على حاجه بس خليها بقى فى الفرحه الكبيره لما ان شاء الله تتفك عقدتى واتأهل(اقصد اتجوز) ادعولى انتوا بس
طبعا مش عايزه هدايا كتير بس يعنى ممكن اقبل هدايا متقلش عن 200 ج انا قنوعه
وان شاء الله هبتدى اعمل بوستات جديده بس معلش انا بعد الامتحان خدتلى يومين راحه عشان احس انى خلصت
تحياتى لكل من سأل عنى وبالاخص wahed
25 comments:
الف الف مبروك ايوه كده فرحينا ,فين التورته بقي اي حاجه عصير ماشي ,وكمان 200 جنيه حرام عليكي كده المرتب اللي باخده هيطير هههههه كلمينا بقي علي
oracle certified profissional(OCP)
اصلي انا فهمي محدود بقي هههههه ,يا ستي هقبال كده لما نزفك علي عريسك
مره اخري الف مبروك
الف مبروك ياجميل
وعقبال العريس كمان ياستى اهو
ههههههههههههههههه
ربنا يكرمك ويقدملك كل الخير
الله يبارك فيك يا واحد
وبعدين هو 200ج كتير عليا ولا ايه
وياسيدى الاوراكل ده بشكل مبسط هو عباره عن برنامج بستخدم فيه لغه برمجه اسمها pl/sql
بعمل بيها قواعد بيانات وبربط ما بين البيانات دى
على فكره اا مستعد اديك الكورس بس ساعتها ال 200ج مش هيكفوا
متشكره اوى على الدعوه الحلوة دى كل ما تفتكرنى ادعيلى بيها وعقبالك يارب لما تلاقى بنت الحلال اللى تستاهلك
الله يبارك فيكى يا سمسم
وعقبال ما نفرح فيكى قصدى بيكى ان شاء الله
مبروك يابيرووووووو
الف مبروك
بس 200 ج كتير
بس انتى اللى حكمتى على نفسك
فين هديتى بقى
منا نجحت زيك وخدت نفس الشهادة
جبتيه لنفسك
الف مبروك علينال كلنا
مع تحيات
g7
عزيزتى
مبروك على النجاح واما الجواز معاكى حق بقه عقده لو فى الفلوس مفيش العروسه ولو فى العروسة مفيش الفلوس ولو فى الاتنين مفيش الحب ولو فى الحب نلاقى مشاكل يعنى مفيش راحة ابدا
هى الدنيا كده صعب تريح الانسان
سلام
معلش يا حدوته نسيت اكتبلك الف مبروك
اعذرينى بجد بس انا مشفتكيش النهارده
وبعدين يا ستى ما بين الخيرين حساب وانا وانتى هنتصرف بره المدونه
وهبقى اعزمك فى مؤمن
مبروك يا جميل عقبال الوظيفه
الله يبارك فيك يا حسام
وبعدين ما انت مش واخد بالك انا هلم ال200ج من كل واحد عشان اساعد فى مصاريف الجهاز ولا انت ايه رايك؟
ايه حكاية الميه ميه اللي بتزعلك بقي ,حدوته قلتلي كده ههههههه انا مليش دعوه هههه,اصطفوا بقي انتو الاتنين هههههه
تحياتي
ماشى يا واحد وانا هتصرف مع حدوته
بس خلى بالك كل واحد وله يوم
فعلا زي ما قالت حدوته باين عليكي زعلتي قوي من الحكايه دي ,
طيب خدي عندك بقي قل مهدخل عندك انتظري مني الكلام ده ههههههه,انا بجد بمزح معكي ومعرفش انه ده زعلك
خذي الدعوه دي عشان زعلك يقل شويه ربنا يبعتلك ابن الحلال هههه
على فكره انا عمرى ما بزعل من حد وطبعا انت مش اى حد
وياسيدى هزر براحتك كفايه انك منورنى
وبعدين كفايه الدعوه الحلوة دى
ربنا يكرمك
مبروك
ومتشكر جدا على الزيارة
وعقبال البكاري
وياريت تنزلي لنا شرح عن الشهادة دي بقا
يعنى افهم من كده ان كل الناس جتلك وشربت حاجه ساقعه ماعدا انا
ماشى ماشى يابيرو
الف مبروك ياستى اولف مبروك الاوريكال
وعقبال الفرحه الكبيره بقى
وتبقى تعزمينا وتجبيلنا كل واحد بدله على حسابك
بالنسبه للمتين جنيه هنلمهوملك من بعض بسيطه
ههههههههههه
الى شغلنى ياستى انى مسافر لدوله عربيه تبع شغلى ولما ارجع هيكون فى نشاط كتير ان شاء الله
تحياتى
طهقان
*****
منورنى وميرسى اوى على زيارتك
واشهاده ببساطه انى بقيت مبرمجه فى برنامج الاوراكل يعنى بعمل قواعد بيانات وبربطها ببعض وحاجات كده وجع دماغ بس انا قلت لو عايزين الدقع مقدما انتوا عارفين انا لسه مخلصه ومش معايا فلوس فلازم استغل الموقف يعنى
ممكن
****
منورنى
الله يبارك فيك وبعدين انا مقدرش اخلى حد يشرب حاجه ساقعه وانت مش موجود امال مين هيعزمنا عليها
وبعدين انت فهمت غلط انا قصدى كل واحد هيدفع 200ج مش كلكم هتدفعوها
كده مش هتبقى ججايبه همها
السلام عليكم
مبرووووووووك مبروووك
وعقبال ما تحققي كل حلم بتتمنيه
وكمان حدوته مبروك ليها
بجد خبر فرحني
اللهم لا تشمت أعـدائي بدائي
وإجعل القرآن العظيم شفائي ودوائي
فأنا العليل وأنت المداوي .,. وابقى حبك بقلبى فأنت ثقتي ورجائي
و إجعل حسن ظني بكـ شفائي
اللهم إحفظ علي عقلي وديني .’. وبك يارب ثبت لي يقيني
أرزقني رزقـــاً حلالاً يكفيني .,. وأبعـد عني شر من يـؤذيني
ولا تحوجني الي طبيب يداويني
اللهم أسترني على وجه الأرض .,. اللهم إرحمني في بطن الأرض
اللهم إغفر لي يوم العرض
بسم الله طريقي .,. والرحمن رفيقي .,.
والرحيم يحرسني من كل شر يلمسني
اللهم زدنى نجاحا فى دنيايا ودينى .,. و أسعدنى اللهم بفوزى بالجنه فانه فوز يكفينى
ومن شر النفاثات في العقد .,. ومن شر حـــاسد إذا حـسد
اللــهم آمين يارب العالميــن
شعمة امل
مبروك تاني مرة
وانا عارف معنىالاوراكل
بس انا كنت باطلب منك انك نتزلي شرح الشاهدة كلها
يعني تعملي دورات في الاوراكل
واهو كلو بثوابه
Bossy
******
الله يبارك فيكى يا جميله ويكرمك ان شاء الله
ابقى الحب
*******
اللهم امين وجزاك الله خيرا
طهقان
*****
الله يبارك فيك لتانى مرة وان شاء الله هحاول اعمل كده بس انا لسه ورايا مشروع لما اخلصه ان شاء الله هحاول اعمل كده
شكرا لزيارتك ليا
الف الف الف مليون مبروك يا بيرو
معلش جت متاخرة بس والله كنت مشغولة اوى الايام الى فاتت
بجد فرحت لك وربنا يوفقك يارب
وتلاقى ابن الحلال
وتعزمينا بقى ع الساقع والسخن والجاتوة كمان
والهدية هتفتحى الباب تلاقيها على طول:d
والف مبروك لحدوتة كمان
وانتو الاتنين كدة داخلين على طمع بقى هدايا ب200 جنية
خليكو 150 حلو
الف مبروك ليكو وربنا يوفقكم يارب
الله يبارك فيكى يا هوبه وياستى ولا يهمك كانك قولتيها
بس انتى ادعيلى وانا اجيبلكوا كل اللى انتوا عايزينه بس هو يجى عريس الغفله ده ;) والف مبروك على الخطوبه وربنا يسعدك ويفرحك دايما
Very nice fhoto and very nice text, thank you
Mr david santos
thanks for your visit and your nice words
هااااااااااااااااااااااااى
ازيك الف الف الف الف مبروك وادى زغروطة مش بتطلع لاى حد لولولولولولولولولولولولولولولولولولى
على فكرة انا كنت طالع من الاوائل والدوله ادتنى هديه انى اخد دورة اوركل لكن للاسف مختهاش عشان حاجة احلى منحة من امريكا
لازم اقبلك
وشكرا جدا على تعليقك فى مدونتى ولى الشرف انه يكون اول كومينت منك انتى
اشوفك بعدين
باى باى
الله يبارك فيك
وطبعا الخيره فيما اختاره الله وان شاء الله تتعوض وتاخد كورس اوراكل (انا طبعا مستعده بس انت تامر) وربنا يوفقك
بس انت مقولتليش انت بتدرس ايه
اتمنى تكون صديق دايم
Post a Comment