الداعيه الاسلامى

السلام عليكم ورحمه الله وبركاته

انا النهارده كنت عايز اتكلم فى موضوع مهم اوى ويهم كل المسلمين فى كل البلاد
الموضوع ده مطروح بقوة فى الساحه اليومين دول
وهو موضوع الداعيه الاسلامى
الحكايه دى انا مش قادره افهمها
يعنى ايه كل يوم يطلع واحد يقول انا داعيه اسلامى
ايه هى مقاييس اختيار الداعيه؟
اللى اعرفه ان الداعيه ده لازم يكون بمواصفات محدده
يعنى حد ذو ثقة ,و معرفه قويه فى امور الدين
ولازم يكون فى هيئه مسئوله عن اختيار الداعيه
وافتكر ان ده بيحصل وان الازهر هو المسئول عن اختيار الداعيه
بس اللى عايزة افهمه هل الناس اللى بتظهر على شاشات الفضائيات كلها هل الازهر موافق عليهم
انا كل يوم بلاقى حد بيظهر ويقول فى كلام غريب
وغير طبعا انهم كل شويه يفتوى وكل واحد فيهم يقول ده حلال وده حرام
طب يا جماعه فهمونى ده على اى اساس؟
الى اعرفه اننا عندنا مفتى
رجل تم اختياره بعنايه
وكلنا بنحترمه ونكن له كل التقدير
لانه الشخص المناسب فى المكان المناسب
بص كمان فى حاجه مضيقانى
ان كل دوله اسلاميه لها مفتى , وكل مفتى بيفتى
طب وبعدين؟
عندنا 20 فتوى على شئ واحد
طب ناخد بانهى فيهم؟
ناخد برأى المفتى اللى فى بلادنا؟
ولا اللى فى السعوديه ولا سوريا ولا ولا ولا ..... وعندك كل الدول الاسلاميه
طب ليه يا جماعه ميكونش فى مفتى واحد لكل الدول دى
شخص موثوق فى علمه وامانته
عشان نتفق فى شئ واحد
احنا يا جماعه مختلفين حتى فى الدين
رحماك يارب